Adam A.Zango: Budaddiyar wasika zuwa ga mahassada ta dake masana'antar Kannywood

0
226

Jarumi ya fitar da wasika zuwa ga mahassadan shi dake masana'antar kannywood

Ya roki masoyan sa da su gafarce shi da abubuwan da ya rubuta kuma yayi hakan ne domin an kure shi ne

Jarumi mai tauraro kuma babban mawakin hausa Adam A.Zango ya fitar da wata sabon wasika zuwa ga mahassadan shi dake masana'antar Kannywood.

Ga wasikar kamar yadda ya wallafa a shafin sa na kafar sadarwa;

 

OPEN LETTER TO MY HATERS IN KANNYWOOD

Ni ba dan daudu bane kuma ni ba dan maula bane. Sannan ni ba mushiriki bane, bani da malami ko matsafi. Da ALLAH kadai na dogara. Idan kuma akwai malamin da yace na taba zuwa wajansa ko kuma wanda ya taba bani kudi kyauta ba tare da nayi masa aikin komai ba, toh dan girman ALLAH kada ya rufa min asiri tun daga kan yan siyasa, sarakuna, gwamnati, ko masu kudi, ko yammata…. duk abinda dana mallaka a rayuwata gumi na ne ya bani ba dan adam ba…motar hawa, gida ko fili…. Don haka babu wanda ya isa ya sani inyi abinda banyi niyya ba tunda babu wanda ya tayani kare mutuncin daukakata.

DON HAKA TA HANYA DAYA KADAI ZAKU IYA DAKATAR DA DAUKAKATA……HANYAR ITACE KU DAKATAR DA NUMFASHINA, SAI DAI KUMA KASH HAKAN BA'A HANNUNKU YAKE….HABA KUYI TA YAWO DANI KUNA BATA MIN SUNA DON KAWAI ALLAH YA FIFITANI AKANKU. 
Kunce min arne kunce min gay kunce min fasiki kunce min mai girman kai amma duk da haka masoyana basu gujeni ba basu daina sayan fina finai da wakokina ba. Haba don ALLAH mai nayi muku duk wanda na taimaka a rayuwata sai ya dawo yana yakata!! Toh na kai bango……billahillazi la'ila ha illahuwa duk wanda ya kara kara tabani saina tona masa asiri. Sannan duk wanda ya rufa min asiri akan abubuwan dana lissafa ALLAH ya tona masa nasa.

Ban kira sunan kowa ba a yanzu amma next time zan kira sunan ko waye idan ya kara bata min suna ….ina da ýaýa ya zama dole in fara kare mutuncina da martaba na kafin yayi affecting dinsu don ALLAH kadai ya san gawar fari….sannan zanja tunga da mabiyana na kannywood…. don a haka ne kadai za'a bam bance tsakanin aya da tsakuwa…. MASOYANA KU GAFARCE AKAN ABUBUWAN DANA RUBUTA, AN KURE NI NE !!”.

Wannan ya fito bayan yace zai saka wando daya da masu masa zargin karya a wannan labarin dake nan.

Shi dai wannan jarumin yace zai kira sunan wanda ke neman bata masa suna nan gaba idan har ya kara aikata laifi.